عبلة سلامة تكتب: سلسلة غبية … لا تبدأ بفهم ولا تنتهي برأي

توجيه النقد للفنانة مني ذكي عن فيلمها الجديد الذي سيعرض في  خلال شهر ديسمبر القادم:
فيلم لسه ما تشافش ولا حتي عارف فيه  ايه!  بس الهجوم شغال كأنهم كلهم كانوا في غرفة المونتاج! .. وبسم الله ماشاء الله كلهم كانوا يعرفوا المرحومة عن قرب !
نفس الهجوم… نفس الجمل… نفس النفسية…وكأن في كراسة واجب وملحق فلسفة بتتوزع عليكم بالليل، .. تناموا، تصحّوا، تقولوا نفس الجملة بالحرف ولا كأنها منهج قومي في النقد قبل مشاهدة العمل !
كل واحد فيكم عامل نفسه خبير سينمائي عالمي، يتكلم كأنه بيقيم “تحفة غامضة” 
والأهبل بقى…إن معظمكم بيغش رأي حد تاني، ويتصرف كأنه عبقري اكتشف رأيًا تاريخيًا، وهو الحقيقة مجرد قص ولصق مع شَرَف الادعاء! وهو قاعد عالقهوة !! 
الهجوم قبل المشاهدة مش رأي… ده فراغ مستعجل يثبت نفسه بأي حاجة وانتم قطيع ماشين ورا لجان ،
ولو سألت واحد فيكم: “إيه اللي مش عاجبك؟”هيرد: “ماعرفش… بس الناس بتقول!”
طب والناس دي بتقول ليه؟
“عشان الناس اللي قبلها قالت!”
سلسلة غبية … لا تبدأ بفهم ولا تنتهي برأي.
اتفرجوا الأول… وبعدها اتكلموا،
علشان ما تبقوش عاملين زي واحد داخل خناقة… مش عارف مين بيتخانق مع مين ولا علي ايه  .. أنا داخل العركة .. إذن أنا موجود!